Қазақстан Республикасы Білім және ғылым министрлігінің Ғылым комитетінің Р.Б. Сүлейменов атындағы Шығыстану институты Қазақстан Республикасы жоғары оқу орындары ассоциациясы және «Тұран» университетімен  бірлесе отырып 2013 жылдың 25-26 қыркүйегінде Алматы қаласында «Қазақстандағы ислам ілімі мен мәдениеті дамуының 12 ғасыры» халықаралық ғылыми-тәжірибелік конференциясын өткізеді.

Конференция мақсаты: Қазақстандағы ислам ілімі мен мәдениеті дамуының кезеңдерін талдау, әлемдегі ислам ілімі мен мәдениетінің болашақ мүмкіндіктерін анықтау, қазіргі заман мәселелеріне жауап беру.

Бүгінгі күні исламға деген қызығушылық жан-жақты әрі ауқымды: тарих пен мәдениет, қоғам мен мемлекет, адам және дін, ислам әлемінің ұлы өркениеттерінің ежелгі түпнегіздері. Осының бәрі өзін-өзі тануға және бірыңғайлануға тырысып жатқан ислам елдері ғана емес, батыс әлемінің назарында тұр.

          Ислам мәдениеті мен өркениеті әлі толыққанды зерттелген жоқ, және ғылым мен жоғары мәдениет  жетістіктеріне көбірек адам қатыса алуы үшін бұл туралы пікірталасты барынша кеңейтіп әрі тереңдетіп отыру қажет. Ұлттық, моральдық-рухани құндылықтарды сақтап әрі ұлғайта отырып, біз Қазақстанның тарихи өткен өмірін білуді алғашқы мемлекеттік стратегиялық басымдылыққа айналдыруымыз қажет.

Осыған байланысты аталған конференция Қазақстандағы ислам ілімі мен мәдениеті дамуының ең маңызды бағыттарында ел алдында тұрған проблемаларды кешенді талдауға бағытталған.

Конференция жұмысы келесі негізгі бағыттар бойынша жоспарланған:

1.    Қазақстандағы Ислам мәдениетінің дамуындағы негізгі кезеңдер;
2.    Қазақстанның ортағасырлық ғалымдары мен ойшылдары және олардың ислам өркениетінің дамуына қосқан үлесі;
3.    Шығыс пен Батысты байланыстыра отырып: сауда жолдары, идеялар мен сенімдер;
4.    Ислам сәулет өнері: Қазақстанның ежелгі мешіттері, медреселері мен кесенелері;
5.    Қазақстандағы діни білім берудің исламдық жүйесі: қалыптасу кезеңдері, қазіргі жағдайы мен болашағы;
6.    Қазақстандағы араб графикасындағы жазба мәдениет: кітап жазудың таралуы мен дамуының негізгі кезеңдері;
7.    Қазақстан мен Орталық Азия тарихы мен мәдениеті жөнінде агиографикалық жазба дереккөздер;
8.    Мұсылман әлемімен мәдениет және білім беру саласындағы өзара байланыстар: Таяу және Орта Шығыстың дәстүрлі орталықтарының мәні;
9.    Орталық Азия мен һижаз аралығындағы қажылық жолдары (қажылық, ‘умра);
10.     Қазақ филологиясы: араб тілі мен мәдениетімен өзара алмасу мен байланыстар;
11.    Қазақстан және Мұсылман әлемі: дәстүрлі байланыстарды қалпына келтіру;
12.    Идеялық-саяси ағымдар және исламдағы ағымдар: қазіргі заман қауіп-қатерлері мен ішкідіни өмірді тұрақтандыру;
13.    Ислам ғылымының батыс өркениетіне ықпалы: Мұсылман әлемі және Батыс концепциясына орай;
14.    Қазақстан және ИЫҰ: ынтымақтастық әлеуеті мен ресурстары;
15.    Ислам даму тарихындағы Әбу Ханифа ілімінің мәні мен рөлі.

Конференцияның жұмыс тілдері – қазақ, орыс, ағылшын.

Мақалаларды рәсімдегенде келесі талаптарды ескеру қажет: электрондық нұсқадағы машинамен басылған мәтінің көлемі 5-8 бет. Қаріп Times New Roman, кегль – 14; жоларалық қашықтық – 1; біркелкі қашықтық; азат жол шегінісі - 1 см; парақ бағыты – кітаптық, жоғарғы және төменгі бет шеттері – 2,0, сол жағы – 3,0 және оң жағы - 1.
Тақырыпты рәсімдеу (үлкен, қою әріптермен, жолдың ортасында) МАҚАЛА ТАҚЫРЫБЫ; келесі жолда (қаріп – қою курсив, оң жақ шетімен түзетілген) – ғылыми атағы, ғылыми дәрежесі, қызметі, жұмыси орны, қала; келесі жолда (қаріп – қою курсив, оң жақ шетімен түзетілген) – байланыстар үшін E-mail; 1 жолдан кейін – мақала мәтіні. Мәтінде әдебиеттер тізіміндегі дерекке сәйкес сілтемені араб сандарымен төртбұрышты жақшаларда рәсімдеу керек, мысалы [1,  277 б.].  Автоматты түрдегі әр бетке қойылатын сілтемеледі қолдануға болмайды.

Мәтін мұқият түзетіліп, редакциялануы қажет.

          Ұйымдастырушы комитеттің берілген тақырыптарға және рәсімдеу талаптарына сай келмейтін баяндамаларды қабылдамауға құқығы бар.

Мақалаларды Қ БҒМ ҒК Р.Б. Сүлейменов атындағы Шығыстану институтына мына мекенжай бойынша жіберу қажет: 050010, Алматы қ., Құрманғазы, 29, 1 қабат.
Өтінімде мен материалдарды қабылдау 2013 жылдың 1 маусымына дейін.
Өтінімде аты-жөні толығымен, баяндама тақырыбы, жұмыс орны, қызметі, ғылыми дәрежесі мен атағы, электрондық поштасы, үй және жұмыс мекенжайы, телефон көрсетілуі тиіс.
      
Ұйымдастырушы комитет телефоны:    
8 (727) 261-16-01; 261-26-13
Тел./факс:  8 (727) 261-46-00;
E-Mail: ,                  

Байланыс жолдары: Ұйымдастырушы комитет. 050010, Алматы қ., Құрманғазы, 29, 1 қабат. 7 каб., ғалым хатшы – Әсел Мансұрова