АҚПАРАТТЫҚ ХАТ

 

Қазақстан Республикасы білім және ғылым министрлігі Ғылым комитетінің  Р.Б.Сүлейменов атындағы Шығыстану институты «МҰСТАФА ШОҚАЙ: САЯСАТКЕР ЖӘНЕ ҒАЛЫМ» атты халықаралық ғылыми конференция өткізеді.

Конференцияның өтетін күні және орны: 2015 ж. 15 қазан, Алматы қаласы, Қазақстан Республикасының Ұлттық кітапханасы, Абай даңғылы, 14 үй.

Мұстафа Шоқай (1890–1941жж.) – өз заманының мемлекет және қоғам қайраткері, «Алаш» қозғалысының беделді қолбасшыларының бірі, тарихшы-ғалым, публицист. Оның қайраткерлік бар күш-жігері Қазақстан, Кавказ және Орта Азия халықтарының азаттығы мен тәуелсіздігі үшін күреске жұмсалды. М. Шоқай өзінің бірқатар Европа қалаларында (Париж, Лондон, Берлин, Варшава, Женева және басқа) жұртшылық алдында сөйлеген көптеген сөздерінде, сонымен қатар еуропа және шығыс тілдерінде (орыс, ағылшын, француз, поляк, шағатай, т.б.) жарияланған еңбектерінде әлемдік қауымдастыққа қазақ халқының қысымшыл жүйеге қарсы тәуелсіздік үшін күресінің заңды да әділетті сипатын жеткізіп отырды.

Мұстафа Шоқайдың мұрасын халыққа кең тарату жұмыстары өз Отанына деген сүйіспеншілік сезімін нығайтуда, өскелең ұрпақты тәрбиелеу істерінде өз орнын табуы тиіс.

2015 жылы мемлекеттік деңгейде Мұстафа Шоқайдың 125 жылдығына арналған халықаралық конференция және басқа салтанатты іс-шараларды өткізу отансүйгіштік рухты күшейтуге, халықаралық қауымдастықта Қазақстанның имиджін көтеруге өз ықпалын тигізеді.

Халықаралық ғылыми конференциясының мақсаты түрлі елдер мен ғылыми орталықтардағы шоқайтану саласындағы жетістіктермен танысу, көрнекті мемлекет қайраткері, ойшыл, көсемсөз шеберінің шығармашылық мұрасын кең ғылыми айналымға енгізуді тереңдетіп, көпшілікке жеткізу болып табылады.

Конференция барысында көтерілетін мәселелер:

- Мұстафа Шоқайдың әлеуметтік-экономикалық және саяси көзқарастары;

- Мұстафа Шоқайдың ғылыми мұрасын зерттеу мәселелері;

- Мұстафа Шоқай және оның Қазақстан, Кавказ және Орталық Азия халықтарының тәуелсіз мемлекеттігінің дамуы жолындағы күресі;

- Мұстафа Шоқайдың түркі-мұсылман халықтарының ұлт-азаттық күресінің тактикасы мен стратегиясын негіздеуі;

- Мұстафа Шоқайдың болашақ тәуелсіз Қазақстанның сыртқы саясаты жөніндегі ұстанымдары;

- Мұстафа Шоқай және орталықазия аумағы халықтарының тарихы мен мәдениетін зерттеу;

- Мұстафа Шоқайдың ХХ ғасырдың 20-30 жылдарындағы Еуропа мен Азия мемлекеттерінің халықаралық қатынастарына көзқарасы және т.б.

Конференция барысында көтерілетін мәселелер тың зерттеулерге түрткі болып, ХХ ғасырдың басындағы түркі-мұсылман халықтары тарихының күрделі мәселелерінің күрмеуін шешуде өзіндік орын алары сөзсіз. Мұстафа Шоқайдың ғылыми мұрасын көпшілік назарына алып шығу – халқымыздың отансүйгіштік санасын шарықтатып, біртұтас қазақстандық қоғамның қалыптасуына септігін тигізеді деген сенімдеміз.

Конференция жұмысына Қазақстан, Өзбекстан, Ресей, Ұлыбритания, Франция, Түркияның танымал ғалымдары қатысады.

Конференция аясында М. Шоқайдың он екі томдық Шығармаларының толық жинағының тұсаукесері өтеді.

 

Конференцияға

тарихшылар, саясаттанушылар, мемлекет тарихы бойынша мамандар,  ғылыми-зерттеу ұйымдарының қызметкерлері, ғылыми ізденушілер шақырылады.

Конференцияның ресми тілдері: қазақ, орыс, ағылшын.

Конференцияға қатысу туралы шешіміңізді 30 қыркүйекке дейін хабарлауыңызды сұраймыз, тел./факс: 2614600, e-mail:

 

Ұйымдастыру комитеті конференция материалдарын жинақ түрінде конференция өткеннен кейін баспадан шығаруды жоспарлап отыр Конференция материалдарында баяндамаңызды енгізу үшін электронды нұсқасын ұйымдастыру комитетінің адресіне өткізу мерзімі  2015 жылғы 10 қазанға дейін.

МАҚАЛАЛАРДЫ РӘСІМДЕУГЕ ҚОЙЫЛАТЫН ТАЛАПТАР:

Мақаланың көлемі 10-12 парақ, MS WORD, *.doc, *.rtf.

Файлдың атауы мақаланың бірінші авторының аты-жөнінен басталуы керек.

Шрифті «Times New Roman», кегль 14; немесе «KZ Times New Roman», кегль 12.

Жиектері: жоғарғы – 2, төменгі – 2, сол – 3, оң– 1 см.; интервал – 1.

Мақаланың аты кіші әріппен, қаралау, парақтың ортасында беріледі. Бір интервалдан кейін оң жағында автордың аты-жөні, ғылыми дәрежесі, ғылыми атағы, ұйымның атауы (жақшада: қаланың, мемлекеттің атауы) жазылады.

Пайдаланылған әдебиетке сілтемелер мақаланың мәтінінде төртбұрышты жақшада рет-ретімен беріледі [7,  99 б.]. Кестелер MSWORD редакторында берілеуі керек. Пайдаланылған әдебиеттер тізімі мақаланың соңында беріледі.

 

 

МАҚАЛАНЫ РӘСІМДЕУ ҮЛГІСІ:

 

ТҮРКІСТАНДАҒЫ МҰСТАФА ШОҚАЙДЫҢ ҚОҒАМДЫҚ-САЯСИ ҚЫЗМЕТІНІҢ ТАРИХЫ

Тұрсұн Х.М.

тарих ғылымдарының докторы,

– Қожа Ахмет Ясауи атындағы

Халықаралық қазақ-түрік университеті

«Тарих» кафедрасының профессоры

(Түркістан қ., Қазақстан)

 

Мәтін... [1, 25 б.]. Текст… [2, л.47].

 

Әдебиет:

 

1.   Бартольд В.В. Тюрки: Двенадцать лекций по истории турецких народов Средней Азии. – Алматы: «Жалын», 1993. – 192 с.

2.   Мұстафа Шоқай. Шығармаларының толық жинағы. 12 томдық / Құраст., алғы сөз бен түсіндірмелерді жазған Көшім Есмағамбетов. – Т. XI. – Алматы: Дайк-пресс, 2014. – 544 бет +4 жапсырма.

3.   Касымбаев Ж. К. Государственные деятели казахских ханств (XVІІІ в.). – Алматы: «Білім», 1999. – 288 с.

Ұйымдастыру комитеті